Search

Neruppu Da Movie Review

neruppuda

விக்ரம் பிரபு -நிக்கி கல்ராணி ஜோடி நடிக்க , ராஜசேகர் ஆர் டி ஓளிப்பதிவில், ஷான் ரோல்டன் இசையில் , அறிமுக இயக்குனர் அசோக் குமார் .பி இயக்கத்தில்., விக்ரம் பிரபுவின் “பர்ஸ்ட் ஆர்ட்டிஸ்ட் “பட நிறுவனத்துடன் “சந்திரா ஆர்ட்ஸ்” இசக்கி துரை ‘இன்னோவேடியோ’ ஆர்.கே . அஜெய் குமார் இணைந்து தயாரித்திருக்கும் லவ் & ஆக்ஷன் திரைப்படம் தான்”நெருப்புடா. ”

கதைப்படி ., கதையின் நாயகர் குரு எனும் விக்ரம்பிரபு சிறுவயதில் இருந்தே தீயணைப்பு வீரராக வேண்டும் கனவோடு வாழ்ந்து வருகிறார். இவரது நண்பர்கள் நான்கு பேரும் இவருடன் இணைந்து அதே நோக்கத்துடன் இருந்து வருகிறார்கள். வேலை கிடைக்கும் வரை ஒரு நான்கு சக்கர வாகனத்தை வைத்துக் கொண்டு, எங்கெல்லாம் தீ பிடிக்கிறதோ அங்கு சென்று, தீயை அணைத்து உயிர்களைகாப்பாற்றி வருகிறார்கள்… நண்பர்கள் நால்வரும்.

தீயணைப்பு துறை வீரர் தேர்வுக்கு முன் தினம், விக்ரம்பிரபுவின் நண்பர்களில் ஒருவரான வருணிடம், அந்த பகுதியின் ரவுடியானவின்சென்ட் அசோகன் வம்பு செய்ய, அவர் அந்த ரவுடியை கீழே தள்ளிவிடுகின்றார். இதில் எதிர்பாராத விதமாக வின்சென்ட் அசோகன் இறந்து விடுகிறார். அதிலிருந்து விடுபட விக்ரம்பிரபு மற்றும் நண்பர்கள் ஏரியா கவுன்சிலர் கபாலி எனும் தாதா’மொட்டை’ ராஜேந்திரனின் உதவியைநாடுகிறார்கள். இறந்த வின்சென்ட் அசோகன் அந்த ஏரியாவிலேயே பெரிய தாதாவாக இருக்கும் புளியந்தோப்புரவியாகிய மதுசூதனனின் நண்பர் என்று அனைவருக்கும் தெரியவருகிறது. இதையறிந்த காமெடி கபாலி – ‘மொட்டை’ ராஜேந்திரன் உதவிசெய்ய மறுக்கிறார்.

தன் நண்பருக்கு பதிலாக ,வின்சென்ட் அசோகன் இறந்ததுக்கு காரணமாக தன்னை முன்னிறுத்திக் கொள்ளும் விக்ரம் பிரவும் அவரது நண்பர் களும்., மதுசூதனன் தங்களை தேடி வருவதற்கு முன், தாம் மதுசூதனைகொலை செய்ய வேண்டும் என்று திட்டமிடுகிறார்கள். ஆனால், விக்ரம்பிரபு மற்றும் நண்பர்களில் ஒருவர்தான் கொலை செய்திருக்க வேண்டும் என்பதை கண்டுபிடிக்கும் தாதா மதுசூதனன், விக்ரம்பிரபுவை மிரட்டிவிட்டு செல்கிறார். இறுதியில், மதுசூதனனிடம் இருந்து விக்ரம்பிரபுவும் அவரது நண்பர்களும் தப்பி பிழைத்தார்களா? விக்ரம் பிரபுவின் தீயணைப்பு படை வீரர் லட்சியம் நிறைவேறியதா? என்பது உள்ளிட்ட இன்னும் பல வினாக்களுக்கு வித்தியாசமாகவும் , விறுவிறுப்பாகவும் விடை சொல்கிறது நெருப்புடா படத்தின் மீதிக்கதை மொத்த மும்!

தீயணைப்பு வீரர் ஆகி உயிர்களை காப்பாற்ற வேண்டும் என்ற குறிக்கோளுடன் இருக்கும் கதாபாத்திரத்தில் பக்காவாக நடித்திருக்கிறார் கதை நாயகர் குருவாக வரும் விக்ரம் பிரபு. ரவுடியிடம் முறைப்பது, நிக்கி கல்ராணியுடன் காதல் செய்வது என நடிப்பில் நல்ல முதிர்ச்சியும் தேர்ச்சியும் பெற்றிருக்கிறார் மனிதர் என்பது குறிப்பிடத்தக்கது.

விக்ரம்பிரபு-நிக்கி கல்ராணி ஜோடிப்பொருத்தம் படத்திற்கு பெரிய பலம். மருத்துவக் கல்லூரி மாணவி வசுமதியாக வரும் நிக்கி கல்ராணி, துறுதுறு பெண்ணாக வளைய வந்து விக்ரம் பிரபுவை மட்டுமல்ல …. ரசிகர்களையும் செமயாய் வளைத்து போடுகிறார்.

தன்னுடைய வில்லத்தனத்தால் மிரட்டி இருக்கிறார். ரவுடியாக, புளியந்தோப்பு ரவியாக வரும் படு உதார் வில்லன் மதுசூதனன். அவரை மாதிரியே ப்ளஸ் கேரக்டரில் தீயணைப்பு அதிகாரி நாராயணமூர்த்தியாக நாகி நீடுவும் செம்மமிரட்டல் . குரு – விக்ரம் பிரபுவின் அப்பாவாக அப்பாபாசத்தை உணர்த்தும் மாணிக்கமாக நடித்து மனதில் பதிந்திடுகிறார் பொன்வண்ணன்.காமெடி தாதா கபாலியாக ‘மொட்டை’ ராஜேந்திரனின் காமெடி , பக்காவாக இப்படத்திற்கு
கைகொடுத்திருக்கிறது.

இவர்களை மாதிரியே கொடுத்த வேலையை சிறப்பாக செய்திருக்கிறார்கள் விக்ரம் பிரபுவின் நண்பர்களாக. வரும் வருண்… உள்ளிட்ட
நண்பர்கள் .

ஆர்.டி.ராஜசேகரின் ஒளிப்பதிவு படத்திற்கு பெரும் பலம். ஷான் ரோல்டனின் இசையில் பாடல்கள் அனைத்தும் கேட்கும் ரகம். பின்னணி இசையில் இன்னும் சற்று கூடுதல் கவனம் செலுத்தது சற்றே குறை.

ஒரு தீயணைப்பு வீரர் எப்படி இருக்க வேண்டும் என்பற்கு ஏற்ப திரைக்கதை அமைத்து, அவருக்கேற்ற அதிரடி வசனங்களை வைத்து இப்படத்தை அழகாக
இயக்கியிருக்கிறார் அறிமுக இயக்குனர் அசோக் குமார்.பி ., காட்சிக்கு காட்சி, சஸ்பென்ஸ் திருப்பங்கள் வைத்திருப்பது படத்திற்கு பெரிய பலம். அடுத்தடுத்த காட்சிகள் என்ன ? என யூகிக்க முடியாத அளவிற்கு படம் செல்கிறது… என்பதும் , யாரும் எதிர்ப்பார்க்காத கிளைமாக்ஸ் கொடுத்திருப்பதும் சிறப்போ சிறப்பு !

மொத்தத்தில் தீயணைப்பு வீரர்களின் போற்றுதலுக்குரிய புகழ் பாடும் ‘’நெருப்புடா’ – ‘பெருஞ்சிறப்புடா..!”




Leave a Reply

Your email address will not be published. Required fields are marked *