Search

Eelam Supporters dont want Asin to be paired with Surya

asin

கவுதம்மேனன் இயக்கும் ‘துருவ நட்சத்திரம்’ படத்தில் சூர்யா ஜோடியாக அசின் நடிக்க இருப்பதாக தகவல் வெளியாகியுள்ளது. ஏற்கனவே சென்னையில் ஒரு மழைக் காலம் படத்தில் இருவரையும் ஜோடியாக நடிக்க வைக்க கவுதம் முடிவு செய்தார். ஆனால் அப்படம் நின்று போனது.

எனவே துருவ நட்சத்திரம் படத்தில் இருவரையும் ஜோடியாக்கியுள்ளார். அசின் இந்திப் படங்களில் நடித்து வருகிறார். சூர்யா, கவுதம் கூட்டணியில் உருவாகும் படம் என்பதால் இதில் நடிக்க ஒப்புக் கொண்டார். அசின் இப்படத்தில் நடிப்பதற்கு எதிர்ப்பு கிளம் பியுள்ளது. இது குறித்து இந்து மக்கள் கட்சி சென்னை மண்டல தலைவர் முத்து ரமேஷ் வெளியிட்டுள்ள அறிக்கையில் கூறி இருப்பதாவது:–

ஈழத்தமிழர் பிரச்சினையில் நடிகர், நடிகைகள் இலங்கை செல்ல திரையுலக சங்கங்கள் தடை விதித்தன. அதை மீறி அசின் இந்தி படப்பிடிப்புக்காக இலங்கை சென்றார். எனவே அவரை தமிழ் படங்களில் நடிக்க வைக்க கூடாது என்று தொடர்ந்து வலியுறுத்தி வருகிறோம். அதையும் மீறி கவுதம்மேனன் தனது படத்தில் அசினை நடிக்க வைப்பது கண்டிக்கதக்கது. இதை அனுமதிக்க முடியாது தமிழர்கள் உணர்வுகளுக்கு எதிராக கவுதம் மேனன், செயல் படக்கூடாது அசினை நடிக்க வைத்தால் படப்பிடிப்பை நடத்தவிட மாட்டோம். போராட்டம் நடத்துவோம்.

இவ்வாறு அறிக்கையில் குறிப்பிடப்பட்டு உள்ளது.