Search

Character Artist Sindhu Attempt for Suicide due to debt problems

sindhu

சென்னை விருகம்பாக்கத்தில் ஓட்டை பிள்ளையார் கோவில் தெருவைச் சேர்ந்த தொழிலதிபர் ரவி. இவருக்கு வயது 45. இவருடைய மனைவி சிந்து. இவர் திரைப்படங்களில் குணச்சித்திர நடிகையாக வலம் வருகிறார். ‘அங்காடித் தெரு’, ‘பரதேசி’, ‘நான் மகான் அல்ல’ உள்ளிட்ட 50-க்கும் மேற்பட்ட திரைப்படங்களில் நடித்துள்ளார். மேலும், முத்தாரம், பிள்ளை நிலா உள்பட பல்வேறு சின்னத்திரை தொடர்களிலும் நடித்து வருகிறார்.

இவருக்கும், இவரது கணவர் ரவிக்கும் கடந்த சில ஆண்டுகளாக கருத்து வேறுபாடு ஏற்பட்டு வந்தது. கடந்த ஓராண்டாக கணவரை பிரிந்து இவர் விருகம்பாக்கத்தில் உள்ள அவரது அப்பா வீட்டில் மகளுடன் வசித்து வருகிறார்.

இந்த நிலையில், நேற்று பிற்பகல் 3 மணிக்கு ஏராளமான தூக்க மாத்திரைகளை சாப்பிட்டு வீட்டில் மயங்கி விழுந்தார். உடனே, வீட்டில் இருந்தவர்கள் அவரை வடபழனியில் உள்ள தனியார் மருத்துவமனையில் சிகிச்சைக்காக சேர்த்தனர். அவருக்கு அங்கு சிகிச்சை அளிக்கப்பட்டு வருகிறது.

இந்த விவகாரம் குறித்து விவகாரம் குறித்து விருகம்பாக்கம் போலீசார் விசாரணை செய்து வருகின்றனர். விசாரணையில், நடிகை சிந்து கடந்த பல மாதங்களாக கடன் பிரச்சினையில் சிக்கி தவித்துள்ளார். இதன் காரணமாகவே தற்கொலை முயன்றதாக கூறப்படுகிறது.

நடித்துக் கொண்டே படம் தயாரிக்க முடிவு செய்த இவர், தரகர்களிடம் ரூ.45 லட்சம் வரை கடந்த ஆண்டு 20 சதவீதம் வட்டிக்கு வாங்கியுள்ளார். பணத்தை திருப்பித்தர முடியாததால் கடன் கொடுத்தவர்கள் இவருக்கு நெருக்கடி கொடுத்துள்ளனர். படப்பிடிப்பு நடக்கும் இடத்திலேயே வந்து கடனை திருப்பிக் கேட்டதால் மிகுந்த மன உளைச்சலுக்கு ஆளானார். மேலும், அவரது மகளை கடத்திவிடுவதாகவும் மிரட்டியதாகவும் கூறப்படுகிறது. இதனால் மனமுடைந்த சிந்து நேற்று மதியம் தூக்க மாத்திரை சாப்பிட்டு தற்கொலைக்கு முயன்றுள்ளார் என்றும் கூறப்படுகிறது.




Leave a Reply

Your email address will not be published. Required fields are marked *